Os nad ydych yn gallu gweld yr e-bost hwn yn iawn, edrychwch ar y fersiwn ar-lein
Yr Ymgyrch yn eich ardal chi
Cerddodd dros 100 o staff Ymddiriedolaeth Siroedd Conwy a Dinbych am filltir o amgylch Ysbyty Glan Clwyd i godi ymwybyddiaeth o’r Ymgyrch 1000 o Fywydau ymysg staff a rhieni.
"Meddyliwyd am y slogan ‘mynd yr ail filltir’, i ddangos ein hymrwymiad i gymryd y camau ychwanegol hynny i wella’r gwasanaethau a ddarparwn i’n cleifion... meddai Cathy Howe, Pennaeth Llywodraethu Clinigol. Yna penderfynasom nad oedd gwell ffordd o ddangos yr ymrwymiad hwnnw na..." Darllenwch fwy
Croeso
Mae sefydliadau ledled Cymru yn cynllunio eu hachlysuron lansio lleol eu hunain i godi proffil yr Ymgyrch ymysg eu staff a’u cleifion. Mae ein herthygl gyntaf yn canolbwyntio ar un o’r achlysuron lansio hynny - a’i effaith ar gyfleu ein hymrwymiad i gleifion.
Efallai eich bod wedi gweld tîm yr Ymgyrch yn ymweld â’ch sefydliad, wrth inni ddechrau’r rownd gyntaf o ymweliadau ag Ymddiriedolaethau’r GIG a BILlau sy’n cymryd rhan. Mae wedi bod yn wych cyfarfod â chi a chlywed sut yr ydych eisoes yn rhoi’r ymyriadau i achub bywydau ar waith ac yn eu haddasu ar gyfer eich meysydd gwaith eich hunain. Bydd rhagor o adborth am yr ymweliadau hyn yn y rhifyn nesaf.
Mae’r neges am yr Ymgyrch yn sicr yn mynd ar led - a chyda’ch cymorth chi - mae’r cleifion eisoes yn gweld ei heffeithiau cadarnhaol.
"Diolch am achub fy mywyd," meddai un o gleifion y galon
"Roedd y driniaeth a gefais o’r radd flaenaf. Parhewch â’ch gwaith gwych er mwyn i eraill, fel fi, allu byw’n hwy a chael bywyd gwell."
Mae pensiynwr o Rydaman, John Lyons, yn llawn canmoliaeth am y gofal a gafodd gan dîm o staff yn adran y galon yn Ysbyty Treforys, Abertawe. Darllenwch yr hanes yn llawn.
Cofiwch ymweld â’n hadran O Amgylch Cymru a chynllunio i anfon eich hanesion a’ch newyddion atom.
Oes gennych chi hanes claf y gallwn ei gynnwys mewn rhifyn o’r e-Fwletin yn y dyfodol? E-bostiwch yr Ymgyrch 1000 o Fywydau heddiw.
Yr Allrwyd - offeryn i rannu dysg
Craidd yr Ymgyrch yw annog sefydliadau i rannu arferion da a dysg - gan gydnabod bod "meysydd rhagoriaeth" ledled Cymru.
Mae sefydliadau wedi dechrau defnyddio’r allrwyd yn ddiweddar, sef offeryn ar-lein a ddatblygwyd gan yr Athrofa Gwella Gofal Iechyd (IHI). Darllenwch fwy
Y ddolen gywir
Nodwch y bydd y dolenni yn y rhifyn hwn o’r e-Fwletin yn eich arwain i safle mewnrwyd yr Ymgyrch (nww), sydd ond ar gael yn Saesneg. Os na allwch gael mynediad i’r fewnrwyd, cliciwch ar y dolenni canlynol i gyrraedd gwefan yr Ymgyrch ar y rhyngrwyd (www).
Yr ymgyrch yn eich ardal chi
Y cyfle gorau posibl
Arweinyddiaeth er Budd Ansawdd
Llongyfarchiadau i Felicity Barclay a benodwyd yn ddiweddar fel Rheolwr Prosiect yr Ymgyrch. Nid yw Felicity yn newydd i’r Ymgyrch - yn wir, bu’n rhan ohoni o’r cychwyn gan weithio fel Rheolwr Prosiect dros dro ers ei lansio ym mis Mawrth.
Y Gyfadran yn croesawu dau aelod newydd
Mae’r Gyfadran Gwella Gofal Iechyd, a fu’n gyfrifol am ddylunio a monitro meysydd yr Ymgyrch, wedi penodi dau aelod newydd.
Gwahoddwyd Dr Stephen Hunter, Cyfarwyddwr Meddygol Cyswllt Ymddiriedolaeth GIG Gofal Iechyd Gwent, i fod yn Uwch Gynghorydd er mwyn datblygu gwaith y Gyfadran. Bydd yn tynnu ar ei brofiad o sefydlu ac arwain y Gyfadran Glinigol yng Ngwent ac mae’n arbenigo mewn gwella ansawdd a gwasanaethau.
Mae Sharon Mayor yn ymuno fel Cydgysylltydd y Gyfadran ar secondiad deuddydd yr wythnos o Ymddiriedolaeth GIG Caerdydd a’r Fro lle mae’n Nyrs Arwain ar gyfer Ymchwil a Datblygu.
Gwella Arweinyddiaeth er Budd Ansawdd
Cyfathrebu da gyda’r staff, bod yn weladwy a bod yn atebol yw’r tri phrif beth sydd eu hangen ar Fyrddau er mwyn rhoi’r Ymgyrch ar waith yn dda, yn ôl aelod o’r Gyfadran, Jan Davies. Darllenwch neu gwrandewch ar syniadau Jan am Wella Arweinyddiaeth er Budd Ansawdd.
Mae plac yr Ymgyrch ar gael nawr
Rhowch wybod i’ch staff a’ch cleifion eich bod yn ymrwymedig i wella diogelwch cleifion drwy’r Ymgyrch. Defnyddiwch y gwaith celf hwn i wneud eich plac eich hun - gallwch ei argraffu a’i fframio a’i arddangos mewn man lle y bydd cymaint o bobl â phosibl yn ei weld.
Lledaenu’r Gair
Ceisiwch gynnwys yr Ymgyrch 1000 o Fywydau ar eich agendâu ym mhob cyfarfod cyfathrebu.
I gael rhagor o syniadau am sut i ledaenu’r gair am yr Ymgyrch 1000 o Fywydau, darllenwch y Cynllun Gweithredu ar Gyfathrebu’n Lleol.
Hoffem glywed gennych...
Mae’r Ymgyrch hon yn ymwneud â chi, yr hanes yn eich ardal chi a’r cleifion yr ydych yn newid eu bywydau.
Cysylltu â'r Ymgyrch 1000 o Fywydau
Post: 14 Ffordd yr Eglwys Gadeiriol
Caerdydd C11 9LJ
Ffôn: (029) 2022 7744
E-bost: 1000livescampaign@wch.wales.nhs.uk
Cynhelir yr Ymgyrch ar y cyd rhwng yr Asiantaeth Genedlaethol Arwain ac Arloesi mewn Gofal Iechyd, yr Asiantaeth Genedlaethol Diogelwch Cleifion, y Gwasanaeth Iechyd Cyhoeddus Cenedlaethol, Canolfan Iechyd Cymru ac Uned Cynorthwyo a Datblygu Llywodraethu Clinigol Llywodraeth Cynulliad Cymru.